တွေးမိတွေးရာနောက်က .... ရေးမိရေးရာ

ကိုနေလင်းနဲ့က တွေ့ခဲပေမယ့် တွေ့တဲ့အခါ တံလျှပ်ရွှေပြည်ကို ကြိုက်တဲ့အကြောင်းရော..စောင့်ဖတ်နေတဲ့အကြောင်းရော..လိုအပ်ချက်တွေဝေဖန်တာရော..အားပါးတရပြောပြတတ်တယ်။ အဲလိုမိတ်ဆွေတယောက်ရှိတာ ရေးဖို့ တအားပဲ လို့ ခံစားမိတယ်။ ဘလော့မိတ်ဆွေအချင်းချင်း...သူ့စာကိုယ်ဖတ်..ကိုယ့်စာသူဖတ်ပြီး ပြောကြ ဝေဖန် ချီးမွမ်းကြတာနဲ့ နည်းနည်းလေး ကွဲပြားတဲ့ ခံစားချက်တခုကို ရတယ်လို့ ထင်တယ်။

တကယ်တော့ တံလျှပ်က အပိုင်း (၈) အထိ ရောက်နေပါပြီ။ တကယ်ဆို ဒီလအတွက် ကျမ (၉) ကိုရေးရတော့မှာပါ။ ဒီလက တခြားလတွေထက် အလုပ်ချိန်တွေများလာတော့ အဲဒီဘက်ကို စိတ်ကို မလည်ဘဲဖြစ်နေတာ။

ကိုယ်က အခန်းဆက်ရေးမိမှတော့ ရပ်ထားလို့ မရတော့တဲ့အတွက် အနည်းဆုံးတလတကြိမ်တော့ ရေး ဖြစ်မှာပါ။ လောလောဆယ် ဖတ်ပီးသားတွေပေမယ့် ဘလော့မှာ အပိုင်း (၈) ကို ကျော်တင်လိုက်ရင်လည်း မဖြစ်ပြန်တာကြောင့် အခု အပိုင်း (၄) ကိုပဲ အားနာ ပါးနာ ပြန်တင်ပေးရအုန်းတော့မယ်။

ဒီနေ့တော့လား.... CR လို့ခေါ်တဲ့ သတင်းဆောင်းပါး တပုတ်၊ နောက် Fresh News လို့ခေါ်တဲ့ လတ်တလော တက်လာတဲ့ သတင်းက လေးငါးပုတ်...(ပုံမှန်ကတော့ လေးပုတ်လောက်ပါ။ ကိုယ်ရေးတဲ့အပုတ်က အသစ်တက်လာရင် အဲဒါကို Second Show အတွက် renew ပြန်ပြန်လုပ်ပေးရသေးတာနဲ့ဆိုတော့ တမနက်အတွင်းမှာ လေးငါးခြောက်ပုတ်လောက်...ဒါတောင် ကိုယ့်ဖာသာကိုယ် လုပ်နိုင်ပါ့မလား..စိုးရိမ်နေတုန်း...

အခက်ဆုံးက အဖွဲ့အစည်းနံမည်တွေ ဗမာလို ဆီလျှော်အောင် စဉ်းစားရတာ (အလကား သက်သက် ပဏာယူပြီးရေးနေတာ။ စီနီယာတွေကို မေးလိုက်တာက များပါတယ် ...တကယ်တော့) နောက်တခုက နိုင်ငံတကာက လူမျိုးပေါင်းစုံရဲ့ နံမည်တွေကို မှန်အောင်ခေါ်ရတာ။ အခုထိ နံမည်ရွတ်တိုင်း ထစ်ထစ်နေသေးတယ်။ ဒါကြောင့် သည်းခံခွင့်လွှတ်နားဆင်တဲ့ ပရိတ်သတ်ကို သိပ်ကျေးဇူးတင်တာပဲ)

ရာထူးတက်သွားတဲ့ အမေ့အတွက် ကွန်ဂရက်ကျူးလေးရှင်း ...လို့ လှမ်းပြောတဲ့ ဦးလေးစကားကိုတော့ တရုတ်ဇာတ်လိုက်သံ ခပ်ပါပါနဲ့....“ကျနော်မျိုးကြီး မခံယူဝံ့ပါ...” လို့ ဒါမှ မဟုတ် “ကျနော်မျိုး ရှက်မိပါတယ်” ...လို့ လက်သီးနှစ်ဘက်ဆုပ်ယှက်ရင်း ပြန်ပြောလိုက်ရင် ကောင်းမလား စဉ်းစားမိတယ်။ လူကြီးကို နောက်သလို ဖြစ်ရာ မကျဘူးဆိုရင်ပြောတာပါ။

မတ်လ (၅) ရက်။ ၂၀၁၀။