Tuesday, January 8, 2008 တွင် ဘလော့ဟောင်းမှာ တင်ခဲ့ပါသည်။
ရေးခဲ့တာကတော့ လွန်ခဲ့သည့် ၁၉၉၇ ၀န်းကျင်ကပါ။
(တစ်)
သူ့ပါးစပ်ကို တယောက်ယောက်က အတင်းလာပိတ်ထားသလိုမျိုး…
လည်ပင်းကိုပဲ အတင်းအညှစ်ခံ ထားရသလို မျိုး…ပြောချင်နေတာတွေ ဖွင့်အန်ချ၍မရ။
နှုတ်ခမ်းနှင့် လည်ပင်းကြားက လျှာတချောင်းမှာ စကားလုံးများ စူးဝင် လျှက် သွေးစိမ်းရှင်ရှင်ထွက်နေသည်။
သူ့နှုတ်မှထွက်သောအသံကြောင့် သူ့နားတွေကန်းချင်ကန်းသွားပါစေတော့ တအားကျုံးပြီး အော်ဟစ်လိုက်တော့မည်။
ဝေါ့ကနဲ…အသံ၊ ချဉ်စူးခါးသက်သောအရသာတို့၏နှိုးဆွမှုတို့ကြောင့် သူ အသိနည်းနည်း ပြန်ဝင်လာသည်။
အသက်နှစ်ဆယ်နှင့် မလိုက်ဖက်စွာ လှီကင်းခြောက်ကပ်နေသည့် သူ့ခန္ဓာကိုယ်မှာလည်း
အန်ဖတ်တွေနှင့်လွတ်ရာ သို့ရွှေ့ရန်ပင် မလွယ်ကူလောက်အောင်လေးလံလွန်းလှသည်။
လုံးဝန်းသောကမ္ဘာကြီးပေါ်မှာ သူ လဲလျောင်းနေ တာမဟုတ်ဘဲ
လဲလျောင်းနေသောသူ့အပေါ် ကမ္ဘာကြီးတခုလုံးက လာပိနေသလိုမျိုး…
သူ့မှာ မလှုပ်နိုင်၊ မယှက်နိုင်။
(နှစ်)
“မင်းက ရောဘတ်ရဲ့သားလားကွ။ ရောဘတ်နဲ့လည်း မတူပါလား။
ကြားကားဆွဲထားတာပဲဖြစ်မယ်ဟေ့…. ဟား…ဟား…ဟား…”
ပြည်ပတွင်ဒက်ဒီနှင့် အလုပ်အတူတူလုပ်ခဲ့သည်ဆိုသော ထိုပုဂ္ဂိုလ်သည် အကယ်၍လူကြီးလူကောင်း တယောက်ဖြစ်ခဲ့ပါက ဆယ့်လေးနှစ်သာရှိသေးသော ကလေးတယောက်အား ထိုကလေး၏ သူငယ်ချင်းများရှေ့မှာ ဤမျှကြောက်မက်ရွံလျှာဖွယ်ကောင်းသောစကားလုံးတို့ဖြင့် နောက်ပြောင်ရယ်မောသင့်ပါသလား။
တကယ်တော့ ဒါက ရယ်မောစရာနောက်ပြောင်ခြင်းထက်လွန်ကဲသော ရိုင်းစိုင်းနင့်သည်းမှုတခု။ သူတို့ မိသားစု ၏ဂုဏ်သိက္ခာကို သူ့သူငယ်ချင်းများရှေ့ လူထူထူမှာဖြဲချလိုက်ပြီး စိတ်ပါလက်ပါနင်းချေပစ်လိုက်ခြင်းသာ။
အနာရှိနေပြီးသားနေရာတခုပေါ်သို့ တုတ်ပဲကျကျ၊ ခဲပဲမှန်မှန် အသည်းခိုက်အောင်နာကျင်မှုကတော့ အတူတူ သာဖြစ်သည်။
ရှက်ရွံ့မှု…
သိမ်ငယ်မှု…
နာကျင်ကြေကွဲမှု…
နာကျည်းခံပြင်းမှု…
စိတ်မလုံခြုံမှု….တို့၏
အထပ်ထပ်ရစ်ပတ်ခြင်းတို့ဖြင့် သူ့ခန္ဓာကိုယ်သေးသေးလေးက တဖြည်းဖြည်း ကြီးမားထွားကျိုင်းလာသည်ဟု ခံစားလာရသည့်အဆုံး၌ သူ့လက်သီးသေးသေးလေးက ထိုလူကြီး၏ မေးစေ့ဆီသို့ လှစ်ကနဲပြေးဝင်ခဲ့သည်။
“မိမစစ် ဖမစစ်လေး”…
..ဆိုသည့် ဆဲရေးသံအဆုံးတွင် သူ့နားအုံတခုလုံးပွင့်ထွက်သွားသလိုခံစားနာကျင်သွားသည်။
မြေပြင်ပေါ်သို့ လဲကျသွားသည်ကို သူသိလိုက်သည်။
ထပ်ကာ ထပ်ကာကျလာသည့် လူကြီးတယောက်၏လက်သီးချက်များ…
ရင်ဝကို တချက်အကန်ခံလိုက်ရသည်ဟုလည်း ထင်သည်။
သူ့ရင်ဝက နာကျင်ဆို့နင်နေမှုသည် လက်သီးချက်များကြောင့်မဟုတ်။
ထိုလူကြီး၏ လူမဆန်သောစကားလုံးများကြောင့်သာဖြစ်ကြောင်း သိလိုက်သည့်အခိုက်မှာ
သူငယ်ချင်းများ၏ ၀ူးဝူးဝါးဝါးအော်သံတွေကြားက အငွေ့ပျံကာ ပျောက်ကွယ်သွားချင်သည်။
သေအောင်ထိုးပါစေတော့ဆိုကာ သူမျက်စိကိုမှိတ်ထားလိုက်သည်။
(သုံး)
ဖူးယောင်ညိုမည်းနေသော သူ့မျက်နှာလေးကို ကြည့်ကာ ဆွေ့ဆွေ့ခုန်နေသော မာမီ့ကို
သူမျက်နှာလွှဲထားလိုက်သည်။ မာမီ့ဒေါသတို့သည်လည်းကောင်း…
မာမီ့မျက်ရည်တို့သည်လည်းကောင်း…
သူ့နှလုံးသားကို နူးညံ့ပျော့ပြောင်းလာခြင်းငှာ မစွမ်းနိုင်တော့တာ ကြာပဲကြာလှပြီ။
မာမီ့ထံမှရနိုင်သော အရာရာတို့သည် သူ့ရင်ထဲမှာ လူမသိသူမသိရထားခဲ့ပြီးဖြစ်သော အနာကလေး
ပျောက်သွားစေရန်လည်း ကုစားပေးနိုင်လိမ့်မည်မဟုတ်တော့။
ထိုလူကြီးအား ကက်ကက်လန်အောင်ရန်တွေ့နေသော မာမီ့စကားထောင်ပေါင်းများစွာတို့ထက်…
“ဖရက်ဒီ။ ဒါ… ငါ့သားပါကွာ။ ဆန်နီက ငါ့သားပါ”...ဆိုသည့်
ဒက်ဒီ၏ တိုးဖျော့နွမ်းလျှသောအသံတိုးတိုးသည်သာ
သူ့နှလုံးသားကို တုန်ရီခုန်ပေါက်လာစေ…. နွေးထွေးနူးညံ့လာစေ…
ပြီးတော့ ကြည်နူးကြေကွဲလာစေနိုင်စွမ်းပါသည်။
သို့သော်လည်း- “ဆောရီး၊ ငါမူးသွားတယ်” ဆိုသော ထိုလူကြီး၏ မျက်နှာထားနှင့်
လေသံတို့သည် သူ့အတွက် သေရာပါစေမည့် အမှတ်တံဆိပ်တခုဖြစ်ခဲ့ပြန်ချေပြီ။
ထိုအချိန်မှစ၍ အိပ်စက်ရန်မျက်လုံးမှိတ်လိုက်တိုင်း ထိပ်ပြောင်ကာ အဆီပြန်နေသည့်မျက်နှာထူပွပွကြီးကို မြင်မြင်နေတော့သည်။ ထိုမျက်နှာကြီးထဲမှ နောက်ထပ်မျက်နှာတွေလည်း ထပ်ထပ်ထွက်လာသည်။
မျက်လုံးတို့ သည်လည်း ရွံလျှာစက်ဆုပ်ဖွယ်ပြူးရဲနီကျင်လျှက်…
ပြီးတော့ ရယ်သံမျိုးစုံ….
လှောင်ပြောင်ပြီးရယ်သံ….
ကျေနပ်နေသောရယ်သံ…
သရော်ရယ်သံ…
ခိုးခိုးခစ်ခစ်ရယ်သံ….
တိတ်တိတ်ကြိတ်၍ ရယ်သံများ။
မျက်လုံးမှိတ်လိုက်တိုင်းမှာ ခြောက်လှန့်နှိပ်စက်နေသော ထိုအမြင်အာရုံ၊ အကြားအာရုံတို့အား
မုန်းတီးကြောက်ရွံ့မှုတို့ဖြင့် မျက်လုံးမှိတ်ရမည့် အိပ်စက်ချိန်ကို
ကြောက်ရွံ့စိတ်တို့က အစဉ်ကြီးစိုးလာတော့သည်။
ထိုအခါ လမ်းဆုံလေးခွမှာ ဂစ်တာထိုင်တီးခြင်း၊ လမ်းမပေါ်မှာစကိတ်စီးကာ သရမ်းခြင်းတို့တွင်
သူအသားကျလာခဲ့ တော့သည်။ သူငယ်ချင်းများ၏မိဘများက စာကျက်ချိန်။ အိပ်ချိန်စသည်ဖြင့်
သူတို့သားသမီးများအား ပြန်လိုက် ခေါ်သွားကြပြီ ဆိုလျှင် လိုက်ခေါ်မည့်သူမရှိသောသူတယောက်တည်း လမ်းဘေးမီးတိုင်အောက်မှာ ငုတ်တုပ်။
ထိုအခါ အရက်သောက်တတ်သော ရပ်ကွက်ထဲက လူလတ်ပိုင်းများက ခေါ်သဖြင့်လိုက် လိုက်သွားရင်း ဘီယာယဉ်ကျေးမှုနှင့် စတင်အသားကျလာချိန်မှာ သူ့အသက်က ဆယ့်လေးနှစ်သာရှိသေးသည်။
အစပိုင်းတွင် မူးယစ်ရီဝေမှုဖြင့် အိပ်၍ကောင်းသယောင်ရှိခဲ့သော်လည်း မူးယစ်ခြင်းနှင့်အသားကျလာသောအခါ အယ်လ်ကိုဟော၏နှိုးဆွမှုကြောင့်သွေးဆူလာသောအခါတိုင်း ဘယ်သူက ဘာအကြောင်းနှင့်ပဲ သူ့အနားမှာရယ် ရယ် သူ့ကို ကြည့်ကာ လှောင်ရယ်ရယ်နေကြသည်ဟုပဲ ထင်မြင်ခံစားမိလာသည်။
မတိုးတတိုး မသဲမကွဲအသံမှန်သမျှ သူ့အကြောင်းတီးတိုးပြောနေသည်ဟုပင်တွေးကြောက်ရင်း ရန်လိုစိတ်တို့ လည်း ပြင်းထန်တွန်းကန်လာသည်။ ထိုစိတ်ကြောင့်ပင် တယောက်ယောက်ကများ သူ့ကိုကြည့်လာပြီဆိုလျှင်
“ဘာကြည့်တာလဲ” ဟုမေးပြီး ရိုက်ပြီးသား။
ဖြစ်လိုက်တိုင်း ခွန်အားဗလနည်းသော သူသာလျှင် အထိနာမြဲဖြစ်သော်လည်း ထိုသို့ရန်ဖြစ်နေရသည့်
အခိုက်မှာ ထင်သလို အော်ဟစ်ပေါက်ကွဲပစ်လိုက်ခြင်းသည်သာလျှင် သူ၏တခုတည်းသော
စိတ်ထွက်ပေါက် ဖြစ်နေခဲ့ပြန်သည်။
(လေး)
တကြိမ်မှာတော့ လူတယောက်ကို တချက်တည်းနှင့် လဲကျသွားအောင် အားကုန်သုံးပြီး ရိုက်ချပစ်လိုက်ခဲ့ဖူးသည်။ လက်ဖက်ရည်ဆိုင်ထဲမှာ သူ့သူငယ်ချင်းတယောက်ကစ၍ ရန်ဖြစ်စဉ်ကဖြစ်သည်။ အစကတော့ သူ ၀င်လည်းမပါ။ စိတ်ထဲမှာလည်း ဘာမှမဖြစ်ခဲ့။ သို့သော် ထိုရန်ပွဲတွင် တယောက် ခေါင်းပေါက်ကာ သွေးတွေ ထွက်လာသည်ကို မြင်ရသည့်အခိုက်အတန့်လေးအတွင်း သူ့အမြင်အာရုံတွေ မှုန်မှိုင်းကာ မိုက်ကနဲတချက်ဖြစ် သွားသည်။ ထို့ကြောင့် သူ့မျက်လုံးတွေကို စုံမှိတ်ကာ စိတ်ကို ငြိမ်အောင်ကြိုးစားကြည့်လိုက်သည်။
“ဗိုလ်ရောနဲ့လည်း မတူပါလားကွ။ ကြားကား…ကြားကား… ကား.. ကား……..”
အဆီပြန်ထူပွပွမျက်နှာတွေကလည်း တခုထဲက နှစ်ခုသုံးခု အပွားတွေအများကြီးထွက်လာသည်။
ထိုမျက်နှာကြီး တွေဆီမှ အသံတို့သည် တခါမှ မဆုံးတော့ဘဲ သူ့နားစည်ကို အဆက်မပြတ်လာရိုက်နှက်နေသည်။
ထိုမျက်နှာနှင့် ထိုအသံတွေ၏နောက်တွင် ပြင်းထန်သောလက်သီးချက်များ…
နာကျင်ဖွယ်ကောင်းသော မျက်ရည်စက်များရှိနေတာကို သူမမေ့။
သည်တော့ ကိုယ်က ဦးအောင်ဆော်ထားရမည်။ သူ့လက်သီးတွေတချက်မှ ထွက်မလာခင်…
သူ့ဆီက ဘာစကားမှ ထပ်မထွက်နိုင်အောင် သူ့ပါးစပ်ကို ပိတ်ပစ်လိုက်ရမည်။
သေလိုက်စမ်း။
ဦးခေါင်းခွံတခု ကြေမွသွားသံ ခပ်အုပ်အုပ်သည် သူကြားဖူးသမျှ အသံပေါင်းစုံတို့အနက် နားဝင်အချိုဆုံး တေး သွားတပုတ်ဟုပင် နှစ်ထောင်းအားရဖြစ်မိလိုက်သေးသည်။ ပတ်ဝန်းကျင်တခုလုံး ရုတ်ချည်းငြိမ်သက်သွားသည်တွင်
သူ အသိပြန်ဝင်လာတော့ သူ့လက်ထဲမှာ သူထိုင်နေခဲ့သော ခွေးခြေခုံပုလေးရှိနေသည်။
သူ့ရှေ့မှာတော့ ကျောင်းဝတ်စုံ အဖြူအစိမ်းနှင့်လွယ်အိပ်ကို စလွယ်သိုင်းထားသည့်
သူနှင့်ရွယ်တူ ကောင်လေး တယောက် မလှုပ်မယှက်။
သူ မှင်သက်မိကာငေးနေမိခိုက်…
ထိုကောင်လေး၏ ဆံပင်တို့ကြားမှ အနီရောင်စီးကြောင်းလေးတခုက တရွေ့ရွေ့ သူ့ခြေရင်းသို့ စီးဆင်းလာသည်။ တခြမ်းစောင်းလဲနေသဖြင့် တွေ့နေရသော ကောင်လေး၏ မျက်လုံးတဖက်က ပွင့်နေသော်လည်း မျက်နက်ဆံကို သူမတွေ့ရ။
“ ဆန်နီ။ သူသေသွားပြီကွ။ ပြေး.. ပြေး.. မင်းပြေးတော့”
သူ့ သူငယ်ချင်းတွေက သူ့ကို လက်ဖက်ရည်ဆိုင်ထဲမှ တွန်းထုတ်လိုက်သည်ကို သူခံလိုက်ရသည့်နောက် ကျန်တာတွေသည် အိပ်မက်ဆိုးတခုလို ထိတ်လန့်စရာကောင်းကာ ပြန်တွေးလိုက်တိုင်း
ဘာကိုမှ သဲသဲကွဲကွဲလည်း မမှတ်မိတော့။
သို့သော် ထိုနေ့ညမှာပင် သူအဖမ်းခံခဲ့ရပါသည်။
(ငါး)
ခြင်တွေတ၀ီဝီ ဂျပိုးတွေရာထောင်ကြားမှာ နေရသည်ကို သူအမှုမထားနိုင်လောက်အောင်
သူ့ရင်မှာ နာကျင်နေခဲ့သည်။
စစီးလာလာခြင်း ပန်းနုရောင်သွေးစီးကြောင်းလေးသည် တဖြေးဖြေး နီရဲ နောက်တော့ နီညိုရင့်ရင့်။
အဖြူသားသက်သက်နှင့် မျက်လုံးကိုလည်း သူ့တသက်မှာ အရင်ကတခါမှ မြင်ဖူးခဲ့တာမဟုတ်။
သေခြင်း တရား ဆိုတာ အဲလောက်တောင် ကြောက်မက်ဖွယ်ကောင်းပြီး လွယ်ကူသတဲ့လား။
ဒီလောက်သေခြင်းတရားက လွယ် ကူနေပါလျှက် ဘုရားသခင်က သူ့ကို ဘာကြောင့်များမခေါ်ပါလိမ့်… ဟု ဘုရားသခင်ဆီ စိတ်ရောက်သွား သောအခိုက် အချုပ်ခန်းထဲမှ အိပ်စက်နေသည့်
အခြား ရာဇ၀တ်သားများအလယ်တွင် သူက ငြင်သာစွာ ဒူးထောက်လိုက်ပါသည်။
“အို.. ချစ်စွာသော အဖ..ဘုရားသခင်…
ကိုယ်တော်ရှင်ဟာ လူ့ဇာတိက တစုံတယောက်ကို ရွေးကောက်ခေါ်ယူတော်မူလိုလျှင်
တပည့်တော်သာလျှင် လူ့ဇာတိကို စွန့်ခွာရန် အသင့်ဆုံးသူဖြစ်ပါတယ်။
တပည့်တော်ရင်ထဲမှာ ထိခိုက်နာကျင်နေရသမျှ…
တပည့်တော် ကျူးလွန်ခဲ့သမျှ အပြစ်တရားမှန်သမျှတို့အား
ကိုယ်တော်ရှင် အရှေ့မှောက်မှာ ဒူးထောက်ခစားပြီး ၀န်ခံလိုပါတယ်။
ကိုယ်တော်အရှင် ပေးသနားတော်မူသော တပည့်တော်၏အသက်တာအား
ပြန်လည်ရုတ်သိမ်းခြင်းဖြင့် ခေါ်ယူတော်မူပါ။
တပည့်တော်မှားယွင်းအပစ်ပြုမိသော ထိုကောင်ကလေးအား
ကိုယ်တော်၏ ကြီးမားလှသော မဟာ မေတ္တာတော်၊ ဂရုဏာတော်တို့ဖြင့်
ထွေးပွေ့ကယ်တင်တော်မူပါ အဖ ဘုရားသခင်…အာမင်”
(ခြောက်)
ဘုရားသခင်၏ မေတ္တာတော်ဖြင့် ထိုကောင်ကလေးအား ခွဲစိတ်ကုသမှု အောင်မြင်ခဲ့ပါသည်။
ကြေအေးလွှာ လက်မှတ်ထိုးပေးမည့်နေ့က ထိုကောင်လေး၏အဖေက သူ့အားခေါ်တွေ့ခဲ့ပါသည်။
တွေ့သည်နှင့်ဘာမှ မပြောဘဲ ခြေဆုံးခေါင်းဖျား စေ့စေ့ပါအောင်ကြည့်ခြင်းကို အရင်ဆုံးခံခဲ့ရသည်။
သူ့ကို လူတွေက စေ့စေ့ကြည့်မှာကို သူမခံလိုပါ။ “ဗိုလ်ရောနဲ့လည်း မတူပါလား” ဟု
မှတ်ချက်အပေးခံရသော သူ့မျက်နှာ သွယ်သွယ်ရှင်းရှင်းလေးသည်
ပြည့်ဝန်းသော မာမီ့မျက်နှာကျလည်း မဟုတ်သောကြောင့် ဖြစ်ပါသည်။
ထိုလူက သူ့အား ကြည့်၍ အားရတော့မှပြောလိုက်သည့် -
“ဒီအသက်၊ ဒီအရွယ်၊ ဒီရုပ်ရည်၊ ဒီခွန်အားဗလလေးနဲ့ ကိုယ်နဲ့ ဘာရန်ညှိုးမှလည်းမရှိတဲ့
ကျောင်းသားလေး တယောက်ကို သေလောက်အောင်ရိုက်ရဲတဲ့ မင်းကို စိတ်ဝင်စားလွန်းလို့ပါကွာ”
ဆိုသည့်စကားအောက်တွင် သူ့ဘ၀တခုလုံး ကြေမွသွားရပြန်ပါသည်။
ဒက်ဒီ၏ ထိုလူအား မျက်နှာချိုသွေးကာ စကားလိုက်ပြောနေသံက လည်း သူ့ရင်ကို ရိုက်ချိုးပစ်နေသလိုပင်။
(ခုနစ်)
အဲသည်နောက်မှာတော့ အရက်သောက်ခြင်းထက် ဖဲရိုက်ခြင်းနှင့် မိခင်နှင့်တူသော ချစ်သူများကြားတွင် ရန်ပွဲတို့ကို ရှောင်ပုန်းခဲ့သည်။ မာမီနှင့်ဖြစ်ရသော စကားလုံးဝှက်ထားသည့် ရန်ပွဲများလည်း တစထက်တစ များပြား ကျယ်ပြန့်လာသည်။ မိဘနှင့်ရန်ဖြစ်ခြင်းမှာ အပစ်ဖြစ်ပါက သူသည် ဘယ်သောအခါမှ ကောင်းကင်ဘုံသို့ ရောက် မည့်သူမဟုတ်သည့် အပစ်သားသက်သက်မျှသာဖြစ်လေသည်။
(ရှစ်)
အခု သူရောက်နေသည်မှာ အတိတ်လား၊ ပစ္စုပ္ပန်လားဆိုတာ သူမဝေခွဲနိုင်။
အိပ်မက်ဆိုးလား… လက်တွေ့ဘ၀လားဆိုတာလည်း သူမဆုံးဖြတ်တတ်တော့…
နားထဲမှာ ခေါ်သံသဲ့သဲ့ကို ကြားနေရသည်။
ကောင်းကင်ဘုံကလား…
ငရဲပြည်ကလား….
“ဆန်နီ… ကျော်သာရှိသလား”
“ရှိတယ်။ အပေါ်ထပ်မှာာာာာ….”
ဆယ့်ငါးနှစ်ဆိုသော အတိတ်ကာလကိုဖြတ်သန်းလာရသည့် ငါးနှစ်အရွယ်ကလေးငယ်တယောက်၏
အသံလေးသည် ခပ်တိုးတိုးနှင့်ေ၀၀ါးနေလေသည်။
သို့သော် ပဲ့တင်ထပ်နေသည့်ထိုအသံလေးသည် အဆုံး ရှိပုံမရသလို နားပိတ်ထား၍လည်း မရပြန်ချေ။
(ကိုး)
သူလူမှန်းသိစအရွယ်ကစ၍ အခုအချိန်အထိ မပြောင်းလဲသော မြင်ကွင်းမှာ သူတို့ခြံကြီး၏ အုပ်ရိုးတံတိုင်းနှင့်
သံဇကာအလုံပိတ်တခါးအကြီးကြီးဖြစ်သည်။ သော့ခတ်ထားသောထိုခြံဝန်းထဲတွင် ခွေးဖြူပုလေးတကောင်သာ သူ့ငယ်ဘ၀က ကစားဖော်ဖြစ်ခဲ့သည်။ ထို့ကြောင့် မာမီ့အကိုဝမ်းကွဲတော်စပ်သူ လေးလေးကျော်သာ၏
သူငယ် ချင်းများရောက်လာလျှင် သူသိပ်ပျော်တတ်ပါသည်။ သူတို့ထဲက တယောက်မဟုတ်တယောက်က
သူနှင့် ကစားပေးလေ့ရှိသောကြောင့်ဖြစ်သည်။ လေးလေးကျော်သာ ဘယ်တုန်းကတည်းက
သူတို့အိမ်မှာစပြီးနေ သည်ကို သူမသိပါ။
သူသိသည်က ဒက်ဒီက တချိန်လုံးနိုင်ငံခြားမှာ ငွေရှာနေခဲ့ရပြီး သူကတော့
မာမီနှင့် လေးလေးကျော်သာတို့နှင့်သာလျှင် ငယ်ဘ၀ကို ကျော်ဖြတ်ခဲ့ရတာကိုတော့ကောင်းကောင်းသိသည်။
သူ့အား မာမီ့ထက်ပင် အလိုလိုက်ကာ ချစ်ခင် အနွံတာခံသော လေးလေးကို သူကလည်း ချစ်ပါသည်။
သည်လိုနှင့်ပဲ သူမူလတန်းကျောင်းသားလေးဖြစ်လာခဲ့ရသည်။ ကျောင်းက အိမ်နှင့်သိပ်မဝေးသော်လည်း လေးလေးကျော်သာက အမြဲတန်း အပို့အကြိုလုပ်ပေးခဲ့သည်။
တနေ့…
ကျောင်းမှာ သူဖျားသောကြောင့် ဆရာမက ကျောင်းသားကြီးတယောက်ကို အဖော်ထည့်ပေးကာ အိမ်ပြန်လွှတ် လိုက်သည်။ ခြံထဲတွင် ကားနီနီလေးကိုတွေ့ရသောအခါ သူအားရှိသွားသည်။ ကားရှိနေခြင်းသည် အိမ်မှာ မာမီ ရှိနေခြင်းဖြစ်ကြောင်းကိုတော့ သည်အရွယ်ကတည်းက သူသိနေသောရိုးရှင်းသည့် အဖြစ်တခုမျှသာဖြစ်သည်။
ခြံဝနှင့်အိမ်က ဝေးလွန်းလှတာကြောင့်တကြောင်း… အိမ်တခါးကိုပိတ်ထားတာကတကြောင်း… သူ့အသံလေးက သေးကွေးဖျော့တော့လွန်းတာကြောင့်တကြောင်း အကြိမ်ကြိမ်ခေါ်သော်လည်း မာမီထွက်မလာခဲ့ပါ။ ထိုအခါ ကျောင်းပြန်ချင်နေပြီဖြစ်သော ကျောင်းသားကြီးက သူ့အား ခြံတခါးကို မည်သို့ကျော်တက်၍ရကြောင်း သင်ကြားပေးလိုက်သည်။ သည်လိုနှင့် သူခြံထဲကိုရောက်သွားခဲ့ပါသည်။
စေ့ထားသောတခါးမကြီးကိုတွန်းဖွင့်ဝင်ခဲ့သော်လည်း မာမီ့ကို အောက်ထပ်မှာ မတွေ့ခဲ့ပါ။ တကယ်ဆို သူရော မာမီ့ပစ္စည်းများပါ အောက်ထပ်မှာသာရှိသည့်အတွက် အပေါ်ထပ်ကို သူတို့သားအမိ တက်လေ့တက်ထမရှိ။ ဘုရားရှိခိုးသည့်အခါလောက်သာ အိမ်ပေါ်သို့တက်ခဲ့ကြတာဖြစ်သည်။
မာမီ့ကိုပဲဖြစ်ဖြစ် လေးလေးကျော်သာကို ပဲဖြစ်ဖြစ် တယောက်ယောက်ကို အမြန်ဆုံးတွေ့လိုစိတ်က
တိတ်ဆိတ်နေသော အိမ်ကြီး၏ ခြောက်လှန့်မှုကြောင့် ဖြစ်ခဲ့လိမ့်မည်ထင်သည်။
အပေါ်ထပ်ကိုတိတ်ဆိတ်စွာတက်ခဲ့မိသော ထို ငါးနှစ်သားကလေးသည် တိတ်ဆိတ်စွာပင် အောက်ထပ်ကို ပြန်ဆင်းခဲ့ရကောင်းမှန်းကိုလည်း ကောင်းစွာသိရှိအောင် ဘုရားသခင်က ဖန်ဆင်းပေးခဲ့ပုံရသည်။
သို့သော် ပူလောင်ခြောက်ကပ်နေသော သူ့လည်ချောင်းကျဉ်းကျဉ်းလေးထဲတွင်
တခုခုပိတ်ဆို့နေသလို နင့်နေအောင် နင်နေခဲ့သည်။ သူတယောက်တည်း အမိုးအကာမရှိ၊
ရပ်တည်ရာမြေမရှိဘဲ
ဟင်းလင်းပြင်ထဲ လွင့်မျောနေသလိုအဖြစ်ကြီးက ထိတ်လန့်ဖွယ်ကောင်းလွန်းလှသည်။
တစုံတယောက်ကို အားကိုးတကြီး ခေါ်လိုက်ချင်သော်လည်း ဘယ်နာမည်ကို ခေါ်ရမည်လည်း သူမသိတော့…
သူခေါ်လျှင် ထူးနိုင်မည့်နေရာမျိုးမှာ ဒက်ဒီရှိနေစေချင်သောစိတ်သည်
ဘ၀မှာ ပထမဦးဆုံးတောင့်တမှုတခုသာပါပဲ။
အခုအချိန်မှာများ တယောက်ယောက်လာလျှင်
“လေးလေးအပေါ်ထပ်မှာ” လို့ အရင်လို ဖြေရဦးမလား။
“နောက်လည်း လာဦးနော်”… ဟု ခေါ်မိဦးမှာလား…
ဟင့်အင်။ ဘယ်သူမှ မလာကြပါနဲ့။
အဖ ဘုရားသခင်။
ဘယ်သူ့ကိုမှ သားတို့အိမ်ကို မလာပါစေနဲ့…
(တဆယ်)
“အမလေး။ သားလေး ကိုယ်တွေပူလို့ပါလား။ ကျော်ကျော်… ဒီကို မြန်မြန်လာစမ်းပါ”
ဆိုသည့်မာမီ့အသံနှင့်အတူ သူ့ကိုယ်ကလေး မာမီ့ရင်ခွင်တွင်းရောက်သွားခဲ့သော်လည်း
သူနှင့် မာမီ့ကြားမှာ ဘ၀တခုလုံးခြားသွားသလိုမျိုး သူ မာမီ့ရင်ခွင်ကို မခံစားတတ်တော့။
ခေါင်းမူးတယ် မာမီ…
ချမ်းတယ် မာမီ…
သားကိုဖက်ထားပါမာမီ…
အရင်ပြောနေကျစကားတို့လည်း ဘာတလုံးမှ ထွက်မလာတော့ပါ။
တင်းနေအောင်ဖက်ထားသော မာမီ့လက်များသည် သူ့ကို မလှုပ်နိုင်အောင် တုပ်နှောင်ထားမည့်ကြိုး တချောင်းဖြစ်သွားခဲ့လေတော့သည်။
(ဆယ့်တစ်)
အိပ်ရာခင်းကို ဆုပ်ခြေထားသည့် သူ့လက်သီးဆုပ်များကို ငြင်သာစွာဖြေထုတ်၍ အန်ဖတ်များနှင့်
ဝေးရာသို့ သူ့ကို တွန်းပို့သူရှိလာမှ လက်ရှိသူ့အသက်နှစ်ဆယ်ဆိုတာ သေချာသွားသည်။
“ငြိမ်း… ငါသေချင်တယ်။ ခေါင်းတွေလည်း အရမ်းကိုက်တယ်။ ငါသေချင်လိုက်တာငြိမ်းရယ်”
သူ့အခန်းကို မာမီမသိအောင် တိတ်တိတ်တက်လာပုံရသော ငြိမ်းက သူ့ခေါင်းကို အသာအယာ အုပ်ကိုင် နှိပ်နယ်ပေးလေသည်။
“မာမီ့စိတ်ကိုသိရက်သားနဲ့ ဘာဖြစ်လို့ ခံပြောနေရတာလဲ ဆန်နီရယ်။
သူ့ကို ဒက်ဒီကိုယ်တိုင်တောင် ပြောလို့ ရတာမှမဟုတ်တာ။
နောက်ကို အခုလို လူကြားမကောင်းအောင် မဖြစ်ကြပါနဲ့လားဟယ်”
တိုဆတ်သောစိတ်ဖြင့် ငြိမ်း၏လက်ကို ပုတ်ထုတ်လိုက်ကာ-
“ငါ့က သူ့ဗိုက်ထဲကထွက်လာတဲ့ကောင်… ငြိမ်းရဲ့။ ငါလည်းသူ့လိုပဲ စိတ်ရှိတယ်။ နားလည်လား။
ဒီလိုမှ မလုပ်လိုက်ရရင် ငါ့ရင်ကွဲထွက်တော့မယ် ငြိမ်းရဲ့။ ငါ သေချင်တယ်”
သားတယောက်အတွက် အိမ်မှာ ရေခဲသေတ္တာရှိနေယုံမျှဖြင့်…
တီဗွီ.. ဗွီစီဒီ… ဂစ်တာ… စသည့်ဇိမ်ခံပစ္စည်းအစုံအလင်ထားပေးထားယုံမျှဖြင့်…
ကျောင်းကောင်းကောင်းကိုသွားထားကာ မုန့်ဖိုးလိုသမျှထုတ်ပေးနေယုံမျှဖြင့်…
ဖြစ်သမျှပြဿနာကို လိုက်ရှင်းပေးနေယုံမျှဖြင့် မိဘ၀တ္တရားကျေပြီဟု သတ်မှတ်ကြွေးကျော်မည်ဆိုပါက….
သူကလည်း သားတယောက်အနေဖြင့် တနှစ်တတန်းမှန်မှန်အောင်အောင် စာကျက်ပေးထားခဲ့ပြီးပြီပဲ။
ဒါလောက်နှင့် မာမီကျေနပ်သင့်လှသည်။
အခုတော့ သူက အသုံးကြီးလှသတဲ့…
သူ့ရဲ့ကုန်ကျစရိတ်တွေကများလှသတဲ့…
အဆင့်မရှိသူတွေနှင့်ပေါင်းကာ ပေါ့ပေါ့နေ ပေါ့ပေါ့စားစိတ်ရှိသတဲ့…
ဒက်ဒီ့လိုပဲ အလုပ်လက်ကျောမတင်းသူတဲ့….
ရပ်ဝေးမြေခြားမှာ သူဖြုန်းသမျှ တသက်လုံး ကုန်းရုန်းရှာနေခဲ့ရကာ
အသက်ကြီး၍ နားလိုက်သည့်ဒက်ဒီ့အား သည်လိုပြောသောအခါ သူမခံနိုင်။
ဒက်ဒီ့တဦးတည်းသောသားအဖြစ်နှင့် သူသည် ကိုယ့်ထမင်းကိုယ်စားတတ်သည့်အရွယ်ကတည်းက
ဇွန်း ခက်ရင်းနှင့်စားခဲ့သည့်သူ။ အခု တက္ကသိုလ်ကျောင်းသားကြီးဖြစ်ကာ မာမီ့မွေးစားသား ရောက်လာမှ ကိုယ့်ပန်းကန်ကိုယ် ဆေးရန်အမိန့်ပေးလာခြင်းသည် သူ့အား အလဲထိုးချက်တခုဖြစ်ခဲ့သည်။
ဟိုတုန်းကလည်း အိမ်ကအလုပ်၊ သူ့ဝေယျာဝစ္စမှန်သမျှ လေးလေးကျော်သာလုပ်ပေးခဲ့တာပဲ။
အခု လေးလေး ကျော်သာ နေရာကိုဝင်လာသည့် ကားဂိတ်က လူခေါ်ပေးရသည့်
သူ့ထက် တနှစ်တောင်မှ မကြီးသော ထိုကောင် လေးကို လုပ်ခိုင်းပါတော့လား။
အဲသည်တယောက်လုပ်သမျှအလုပ်ကို သူက လိုက်လုပ်ရတော့မည်ဆိုခြင်းသည်
သူ့အား သေမိန့်ပေးလိုက်သလို ပြင်းထန်လှသည်။
“လေးလေးကျော်သာလုပ်တဲ့အလုပ်အားလုံး သူလုပ်သင့်တယ်” ဟူသော သူ့စကားအဆုံးတွင်
မာမီဆွေ့ဆွေ့ခုန်နေခဲ့သည်။
သူ့အား သူသည်းမခံနိုင်လောက်သောစကားလုံးများ၊ နာမ၀ိသေသနများနှင့်ထိုးနှက် တိုက်ခိုက်လေတော့သည်။
မာမီ၏ ပြင်းထန်သော အမျှင်မပြတ်သော စကားတို့အဆုံး၌ အမေနှင့် သားတို့၏ ရန်ပွဲတွင်
“ပြောမကောင်းလို့နော်”.. “ငါကဘာတွေလုပ်နေလို့လဲ”… ဆိုသည့် စကားနှစ်ခွန်းကို
တဖက်နှင့် တဖက် အလုအယက်သုံးစွဲရင်း နောက်ဆုံး၌လူငယ်ဖြစ်သောသူက
“လူသတ်ချင်လာပြီနော်”ဆိုသည့် ပွဲသိမ်း စကားကို အသံကုန်ဟစ်လိုက်ရင်း
ပန်ကာတလုံးကို နံရံမှာ ကိုင်ပေါက်ရိုက်ခွဲခြင်းဖြင်ပေါက်ကွဲပစ်လိုက်သည်။
မှန်ဘီရိုကို လက်သီးနှင့်ထိုးခွဲလိုက်၍ သွေးစက်လက်ယိုစီးနေလျှက်က
ကုလားထိုင်တလုံးကို ထပ်မံရိုက်ချိုးပစ်လိုက်သည်။
သူ့ကိုဆွဲရန် ၀င်လာမည့် ဆွေမျိုးသားချင်းများ အခန်းထဲရောက်လာလျှင် သတ်လိုက်မိမှာစိုး၍
စားပွဲခုံကို တွန်းလှဲကာ အပေါက်ဝဆီသို့ဆောင့်တွန်းလိုက်သေးသည်။
သည်ကြားထဲက အတင်းခုန်ကျော်ကာဝင်လာသည့် သူ့ကိုနားအလည်ဆုံးနှင့်
သူက အချစ်ဆုံးအကိုဝမ်းကွဲအား ကြုံရာပစ္စည်းများနှင့် ကောက်ပေါက်ပစ်ခဲ့သည်။
တင်းကြပ်စွာချုပ်နှောင်သိမ်းဖက်ထားသည့် ကိုကို့လက်များထဲမှာပင်
ခြင်ထောင်တွေ… စောင်တွေကို မွမွကြေသွားအောင် ဆွဲဖြဲပစ်လိုက်သေးသည်။
တခန်းလုံးခြေချစရာမရှိတော့သည့်အချိန်…
သူ့တွင်လည်း ခွန်အားဆို၍ စိုးစဉ်းမျှပင် မကျန်တော့သည့် အချိန်မှာတော့
ခေါင်းကို အုပ်နံရံနှင့်ဆောင့်ဆောင့်ပြီး အော်ငိုပစ်ခဲ့သည်။
သူ့ငိုသံသည် လူတယောက်၏အသံနှင့်မတူတော့ဘဲ သေစေနိုင်လောက်သည့် ဒဏ်ရာရလိုက်သော
သားရိုင်း တိရစ္ဆာန်တကောင်ကောင်၏ နာကျင်မှုနှင့် အမျက်ဒေါသတို့ပေါင်းစပ်ရာမှ
ထွက်ပေါ်လာသည့် အသံမျိုး ဖြစ်နေခဲ့လေသည်။
အခုတော့…
အနည်းငယ်မျှပင် လှုပ်ရှားနိုင်သည့်အင်အားမရှိတော့ဘဲ
ငြိမ်း၏ရင်ခွင်မှာ ခေါင်းထိုးပြီး တရှိုက်ရှိုက်ငိုကြွေးမိပြန်သည်။
အဲသည်ငြိမ်းအား…
လွန်ခဲ့သောတနှစ်ကတော့ဖြင့်…
“နင်က ဒက်ဒီ့တူမ အရင်းဆိုပေမယ့် ငါက ဒက်ဒီ့သားဖြစ်ချင်မှ ဖြစ်မှာပါဟာ”
ဆိုသောစကားကိုဆို၍ သည်အခန်းထဲမှာပင် ချော့မော့နှစ်သိမ့်ခဲ့ရဖူးလေသည်။
“သားသမီးများ၏ ဖခင်ဖြစ်သူရှိလျှက်နှင့်
သဘောတမျိုးပြောင်းလဲ၍
တပါးသောယောက်ကျားကို မြော်မြင်တတ်သော မိခင်သည်
သားသမီးတို့၏ ရန်သူကြီးမည်၏”
(စာဏကျ နီတိကျမ်း)
ခွာညို
(ရ) ရက်၊ သြဂုတ်လ၊ ၂၀၀၄ ခုနှစ်။
10 comments:
ကလေးဘဝမှာ ရခဲ့ဖူးတဲ့ ဒဏ်ရာက အရမ်း ပြင်းထန်လွန်းတယ်...
လှေကားပေါ်က ဆင်းလာလာချင်း သူ့စိတ်တွေ ဘယ်လောက် ဘလောင်ဆူနေလိမ့်မလဲ တွေးပြီး ကြက်သီးတွေ တဖျန်းဖျန်း ထလာမိသေးတယ်...
အရင်းနှီးဆုံး အားအကိုးရဆုံး ဆိုတဲ့ လူသားတွေကို သူလက်လွှတ်လိုက်ရတဲ့အခါ တွယ်ရာမဲ့သွားမယ့် လူမမယ်တယောက်ရဲ့ ဘဝကိုလည်း စာနာမိပါတယ်...
လူနာကို အသက်ချမ်းသာခွင့်ပေးတဲ့ ဘုရားသခင်ရဲ့ မေတ္တာတော်ကို ချီးမွန်းပုံကလည်း ကြည်နူးစရာ ကောင်းတယ်...
97 မှာရေးတဲ့စာဆိုလို့ လက်ဖျားခါမိပါတယ်ဗျို့...
းဝ)
ကျမ ထိန်းကျောင်းခဲ့ရတဲ့ မျောက်ကလေး တကောင်ပါ...
ကိုလူထွေးညွှန်းထားတာမြင်လို့ လာဖတ်ပါတယ်။ ကလေးတယောက်ရဲ့ စိတ်ဒဏ်ရာနဲ့ ခံစားချက်ကို ဖတ်ရင်းဖတ်ရင်း စိတ်မကောင်းဖြစ်မိတယ်။ မမြခင် စာရေးအရမ်းကောင်းတယ်။ တင်ပြပုံလေးတွေကိုလဲ နှစ်သက်မိတယ်။ ပေးထားတဲ့ ခေါင်းစဉ် အတွင်းကြေဆိုတာလဲ တော်တော်လေး သဘောကျမိပါတယ်။
ဇာတ်လမ်း လေးထဲ မျောပါသွားအောင် အရေးအသား ကောင်းပါတယ်..
စာရေးနည်း အတုခိုးဖို့ တယောက်ရပြန်ပြီပေါ့။ ကျနော် မတောက်တခေါက် ရေးထားတာလေး အားရကျေနပ်တယ်ဆိုတော့ ဝမ်းသာပိတီဖြစ်မိပါတယ်။
ဖတ်ရင်း စိတ်ထဲမှာ မကောင်းဘူး။
ဆန်နီရော သူ့မိဘရော သနားစရာ ကောင်းပါတယ်။
မအယ် အမြင်မှာတော့ ဆန်နီတို့ သားအမိ ကိစ္စက သူတို့ ကိုယ်ရေး ကိုယ်တာပါ။
သူများ ကိုယ်ရေး ကိုယ်တာကို မလေးမစား ရှိကြတဲ့ အလကားနေ သူများ အကြောင်း ပြောချင်တဲ့ ပတ်ဝန်းကျင်က လူကြီးတွေ ကြောင့် အဖြူထည် ဆန်နီ ခုလို ဖြစ်ရတယ် ထင်ပါတယ်။
မအယ်
ကျွန်တော့်မှာလည်း အဲ့ဒီဒဏ်ရာမျိုးနဲ့ ခပ်ဆင်ဆင်ဒဏ်ရာ တစ်ခုရဖူးတယ်။ ၀တ္ထုတိုတစ်ပုဒ်တောင် တင်ဖြစ်သေးတယ်။ မိဘတွေကြောင့်ဆိုပေမယ့် အပြစ်မတင်ချင်ပါဘူး အစ်မရာ...
ရင်ကို ထိရှစေတဲ့ စာလေး တပုဒ်ပါပဲ ရှင်...
မခွာညိုရေ နေကောင်းပါရဲ့လား။ ကျမ အမကို ဒီနေ့ သတိယနေပါတယ်။ အစစအဆင်ပြေပါစေ။
မအယ်
Post a Comment